Луис Энрике ПСЖ барча совринларни ютишни кўзламоқда

"Пари Сен-Жермен" бош мураббийи Луис Энрике 2026 йилдаги жамоа мақсадлари ҳақида фикр билдирди. ПСЖ жорий мавсумда FIFA Қитъалараро кубогини қўлга киритди. Бу ҳақда euro-football.ru хабар беради.

Мутахассиснинг таъкидлашича, чемпионатдаги ғалаба ҳар доим клуб учун аниқ ва устувор вазифа бўлиб келган. Шунингдек, у жамоа имкони бор барча совринлар учун курашишни ният қилганини айтди. Энрике мавсумнинг биринчи ярмида кўплаб жароҳатлар бўлганига қарамай, футболчилари кўрсатган ирода ва эришилган натижалардан фахрланишини қайд этди.