“Эвертон” ва “Брентфорд” ўртасидаги ўйинда 6 та гол урилди

АПЛнинг 20-тур учрашувида “Эвертон” ўз майдонида “Брентфорд”га 2:4 ҳисобида мағлуб бўлди. Мезбонлар айниқса иккинчи бўлимда ўйин назоратини бой бериб, қимматга тушган хатоларга йўл қўйди.

Учрашув бошида “Брентфорд” ташаббусни қўлга олди: қанотлардан фаол ҳужум қилди, стандарт вазиятлар орқали босимни кучайтирди. 11-дақиқада Тяго жарима майдонидан аниқ зарба йўллаб ҳисобни очди. “Эвертон” айрим вазиятлар билан жавоб қайтарган бўлса-да, имкониятлардан фойдалана олмади ва танаффусгача мувозанатни тиклай олмади.