«Атлетико» Распадорига «Рома» билан келишув борлигини билдирди

Мадриднинг «Атлетико» клуби ҳужумчи Жакомо Распадорини унинг эҳтимолий трансфери бўйича «Рома» билан келишувга эришилганидан хабардор қилди. Бу ҳақда euro-football.ru хабар беради.

Томонлар ижарага бериш ва кейинчалик мажбурий сотиб олиш банди билан битим тузишга келишиб олди. Бироқ футболчи ҳали якуний қарорни қабул қилгани йўқ ва ўйлаб кўриш учун вақт сўради.

Журналист Жанлука Ди Марсио хабарига кўра, Распадори вазиятни «Атлетико» бош мураббийи Диего Симеоне билан шахсан муҳокама қилишни истамоқда.