Испания Суперкубоги иштирокчилари рекорд мукофот пулини олади

Испания Суперкубоги учрашувлари январ ойида Саудия Арабистонида бўлиб ўтади. Келаси ҳафта чоршанба куни “Барселона” “Атлетик” Билбао билан илк ярим финалда тўқнаш келса, пайшанба куни Мадриднинг “Реал” ва “Атлетико” клублари финал йўлланмаси учун курашади. Бу ҳақда euro-football.ru хабар беради.

Mundo Deportivo хабарига кўра, турнирнинг умумий соврин жамғармаси рекорд даражадаги 23 млн еврони ташкил этади. Бу кўрсаткич ўтган йилгидан 3 млн еврога кўп. Маблағ тўртта иштирокчи ўртасида натижаларга қараб тақсимланади.