«Милан» «Барселона» кўзлаган ҳимоячини қўлга киритмоқда

«Сантос»нинг чап қанот ҳимоячиси Жоао Соуза фаолиятини «Милан»да давом эттиришга жуда яқин. 19 ёшли футболчига «Барселона» ҳам қизиқиш билдирганди, бироқ бразилиялик иқтидор эгаси, кўринишидан, Италияга йўл олади. Бу ҳақда euro-football.ru хабар беради.

Diario AS хабарига кўра, «кўк-анорранглилар»нинг бу трансфер бўйича имкониятлари кескин пасайган — «Милан» шартнома тафсилотлари юзасидан тўлиқ келишувга яқин турибди.

Transfermarkt мутахассислари Соузанинг нархини 5 млн еврога баҳоламоқда.