АПЛда бир кунда учта голсиз дуранг қайд этилди

1-январ куни Англия Премьер-лигасининг 19-тури доирасида тўртта учрашув ўтказилди ва уларнинг учтаси 0:0 ҳисобидаги дуранг билан якунланди. Бу ҳақда euro-football.ru хабар беради.

OptaJoe маълумотига кўра, АПЛ тарихида бир куннинг ўзида тўртта ўйин бўлиб, шундан учтаси голсиз дуранг билан тугаши бор-йўғи иккинчи марта рўй берди. Бундай ҳолат аввал 2010-йил 11-апрелда кузатилган, ўшанда фақатгина «Манчестер Сити» — «Бирмингем» баҳси сермаҳсул бўлиб, 5:1 ҳисобида якунланган.

Бугун Премьер-лигада ўйинлар режалаштирилмаган.