Ойбек Бозоров ҳам кетди: «Насаф» яна йўқотишга учрагани маълум бўлди

«Насаф» клуби яримҳимоячи Ойбек Бозоров билан хайрлашганини расман маълум қилди. «Аждарлар» академиясидан етишиб чиққан футболчи йиллар давомида жамоа шарафини ҳимоя қилиб, майдондаги меҳнати билан мухлислар ҳурматини қозонганди.

Бозоров «Насаф» сафида ўтган фаолияти давомида бир марта Ўзбекистон Суперлигаси чемпиони бўлди. Шунингдек, икки марта кумуш ва бронза медалларига эга чиқди. Кубок фронтида ҳам натижа ёмон эмас: жамоа билан уч марта Ўзбекистон кубоги ва Суперкубокда ғалаба таъмига ҳисса қўшган.