Андроникашвили: «Андижон»га келишим кутилмаганда жуда тез бўлди

Бу мавсум «Андижон» сафини мустаҳкамлайдиган янги футболчилардан бири — грузиялик легионер Александр Андроникашвили учун карьерада янги босқич бошланмоқда. Тез орада жамоа машғулотларига қўшилиши кутилаётган ўйинчи клуб матбуот хизматига илк интервьюсини бериб, «Андижон»га қандай келгани ва мақсадлари ҳақида очиқ гапирди.

Александрнинг айтишича, трансфер жараёни жуда тез кечган ва у учун ҳам кутилмаган бўлган. Шу сабабли «Андижон»дан таклиф тушганида у кўп ўйлаб ўтирмаган, чунки клубдаги муҳит кўнглига тез ўтирган.