Семенё учун кураш қизиди: «Сити» трансферни жадаллаштирди

Англия футболида қишки трансфер ойнаси тобора қизиб бормоқда. Хусусан, «Манчестер Сити» сўнгги соатларда «Борнмут» вингери Антуан Семенёни қўлга киритиш борасидаги ишларни анча фаоллаштирди. Бу ҳақда ишончли манба сифатида танилган инсайдер Фабрицио Романо маълум қилди.

Манбага кўра, “шаҳарликлар”нинг янги спорт директори Уго Виана футболчининг вакиллари билан тўғридан-тўғри музокаралар олиб бормоқда. Клуб раҳбарияти Семенё масаласида ортиқча чўзилишни истамайди ва якуний қарорни имкони борича тезроқ қабул қилиш ниятида.