Мареска Палмерни нега алмаштирганини тушунтириб берди

«Челси» ўз майдонида «Астон Вилла»га 1:2 ҳисобида мағлуб бўлди. Учрашувни асосий таркибда бошлаган 23 ёшли Коул Палмер 72-дақиқада майдонни тарк этди ва унинг ўрнига Эстевао туширилди. Бу ҳақда euro-football.ru хабар беради.

Ўйиндан кейин бош мураббий Энцо Мареска бу қарор сабабини изоҳлади: «Палмернинг соғлиғида муаммо йўқ, у шунчаки чарчади. Бугун у жуда кўп меҳнат қилди. Умуман олганда, менимча, у яхши ўйин кўрсатди», — деди италиялик мутахассис.

Лондонликларнинг ягона голига 37-дақиқада Жоао Педро муаллифлик қилди.