Левандовски: «Барселона» манфаати учун оғир қарор қабул қилганман

Каталониянинг "Барселона" ҳужумчиси Роберт Левандовски клуб раҳбарияти томонидан билдирилган ғалати илтимос ҳақида тарқалган миш-мишларни шахсан тасдиқлади. Польша юлдузининг айтишича, 2022/2023 йилги мавсум якунига яқин ундан майдонда атайлаб камроқ гол уриши сўралган.

Футболчининг сўзларига кўра, бу масала молиявий жиҳатлар, аниқроғи, бонус тўловлари билан боғлиқ бўлган. Ўша пайтда клуб оғир иқтисодий аҳволда қолган, ҳар бир евро ҳисоб-китоб қилинган ва ортиқча харажатлардан қочиш муҳим саналган.