Самарқанднинг «Динамо»си Драмане Салоу билан кучайди

Самарқанднинг "Динамо" клуби қишки трансферлар ойнасида селекция ишларини фаол давом эттирмоқда. 2026 йилги мавсум олдидан таркибни мустаҳкамлашни мақсад қилган жамоа навбатдаги янги ўйинчисини расман эълон қилди. Клуб Буркина-Фасо миллий жамоасига номзод таянч яримҳимоячи Драмане Салоу билан келишувга эришган.

Клуб матбуот хизмати тарқатган маълумотга кўра, мураббийлар штаби таянч яримҳимоя чизиғи учун бир нечта вариантларни ўрганиб чиққан. Натижада танлов тажрибали ва жисмонан бақувват футболчи — Салоуга тўхтаган.