"Милан" Уго Соуза трансфери бўйича рад жавобини олди

"Милан" клуби "Коринтианс" дарвозабони Уго Соузани трансфер қилишга ҳаракат қилди. Бироқ, бразилиялик клуб 26 ёшли футболчини "россонери" сафига қўйиб юборишни истамади, деб хабар бермоқда инсайдер Маттео Моретто.

Бундан ташқари, дарвозабоннинг ўзи ҳам қизиқиш билдирмади – у камида ёзгача ватанда қолиб, бўлажак жаҳон чемпионати учун терма жамоа таркибидан ўрин олишга интилаётганини маълум қилди. Transfermarkt мутахассисларининг баҳолашича, Уго Соузанинг нархи 10 миллион еврони ташкил қилади.