"Реал" Алонсо ўрнига Арбелоани вақтинча бош мураббий этиб тайинлаши мумкин

Мадриднинг "Реал" клуби ҳали ҳам жамоа бош мураббийи Хаби Алонсонинг истеъфоси эҳтимолини кўриб чиқмоқда. ESPN хабарга кўра, испаниялик мутахассис ўрнини "қироллик клуби" ёшлар жамоаси мураббийи Альваро Арбелоа эгаллаши мумкин.

Клуб Арбелоани мавсум охиригача вақтинча бош мураббий этиб тайинлаб, ёзда янги мураббий билан шартнома имзолашни режалаштирмоқда. Алонсонинг келажаги Испания Суперкубоги натижаларига боғлиқ бўлади.

8-январ куни ярим финалда "Реал"га "Атлетико" рақиблик қилади.