“Сўғдиёна” дарвозасини сербиялик тажрибали посбон қўриқлаши маълум бўлди

Янги мавсум олдидан катта мақсадлар қўйган “Сўғдиёна” футбол клуби таркибни мустаҳкамлаш ишларини жадал суръатларда давом эттирмоқда. Жиззахликлар бу сафар жамоанинг энг муҳим нуқталаридан бири — дарвоза чизиғини кучайтиришга қарор қилди.

Клуб расмий маълумотига кўра, “Сўғдиёна” сербиялик тажрибали дарвозабон Никола Миркович билан тўлиқ келишувга эришган. Томонлар ўртасида имзоланган шартнома 2026 йилнинг охирига қадар амал қилади. Бу эса клубнинг узоқ муддатли режалари борлигини яққол кўрсатади.