Шомуродов Туркия Суперлигаси рамзий жамоасига киритилгани маълум бўлди

Туркия Суперлигасида биринчи давра якунланди ва мавсумнинг илк ярмида энг барқарор, энг таъсирчан ўйин кўрсатган футболчилардан тузилган рамзий жамоа эълон қилинди. OptaCanOfficial таҳлилларига асосланган ушбу таркиб чемпионатда ким ҳақиқий фарқ яратганини яққол намоён этди.

Энг қувонарлиси, рамзий жамоадан ўзбекистонлик футболчи ҳам жой олди. “Истанбул Башакшеҳир” ҳужумчиси Элдор Шомуродов мавсумнинг биринчи қисмидаги ёрқин ўйинлари билан Туркия футболи мутахассисларининг эътирофига сазовор бўлди.