«Челси»га чемпионлик учун нима етишмаётгани маълум бўлди

Лондоннинг «Челси» клубини бошқараётган италиялик мутахассис Энцо Мареска жамоанинг жорий мавсумда Англия чемпионлиги учун кураш олиб бориш имкониятларини реал баҳолади. Мутахассиснинг сўзларига кўра, ҳозирги ҳолатда «аристократлар»га энг аввало ўйиндаги барқарорлик етишмаяпти.

Мареска очиқ тан олдики, жамоа айрим учрашувларда юқори савия намоён этаётган бўлса-да, турли рақибларга қарши ўйинларда натижалар кескин фарқ қилмоқда. Бу эса узоқ масофали чемпионатда юқори мақсадлар қўйишга жиддий тўсиқ бўляпти.