«Ювентус» «Наполи» ҳужумчиси Лукка трансферидан воз кечди

«Наполи» ҳужумчиси Лоренсо Лукка «Ювентус»га ўтмайди. 25 ёшли футболчи неаполликлар асосий таркибидан жой ололмаяпти, шу боис унинг эҳтимолий трансфери ҳақида миш-мишлар тобора кўпаймоқда.

Calciomercato хабарига кўра, форвард хизматлари «Ювентус»га таклиф қилинган, бироқ «кекса синьора» бунга қизиқиш билдирмаган. Бош мураббий Лучано Спаллеттига бошқа позицияларни кучайтириш зарур — масалан, ярим ҳимоя ва ҳимоянинг ўнг қаноти.

Transfermarkt мутахассислари Лоренсо Лукканинг қийматини 25 млн евро деб баҳоламоқда.