Сеҳрли тумор фожиаси: Бурунди футболчиси майдонда ҳалок бўлди

Бурунди футбол жамоатчилигини ларзага солган оғир ва қайғули воқеа содир бўлди. Мамлакат футбол федерацияси "Ле Гепард дю Лак" жамоаси яримҳимоячиси Игиранеза Эме Герик вафот этганини расман тасдиқлади.

Маълум қилинишича, фожиа мамлакатнинг иккинчи дивизионида "Амаспири Невер Гив Ап" жамоасига қарши учрашув вақтида юз берган. Беллашув давомида футболчи тўсатдан майдонга қулаган. Шифокорлар зудлик билан биринчи ёрдам кўрсатишга уринган, аммо барча ҳаракатларга қарамай, Герик шифохонага олиб кетилаётган пайтда ҳаётдан кўз юмган.