«Рома» «Челси» ҳимоячиси Дисаси бўйича музокара олиб бормоқда

«Челси»нинг марказий ҳимоячиси Аксель Дисаси қишки трансфер ойнасида «Рома»га ўтиши мумкин. «Кўклар» мавсум бошланишидан аввал бош мураббий Энцо Мареска томонидан асосий жамоа таркибидан чиқариб ташланган франциялик футболчини сотишга умид қилмоқда.

Журналист Николо Скира маълумотига кўра, яқинда 27 ёшли футболчи «Рома»га таклиф қилинган ва римликлар бунга қизиқиш билдирган. Ҳозирда томонлар музокара олиб бормоқда.

Transfermarkt портали баҳосига кўра, Аксель Дисасининг нархи 15 млн еврoни ташкил этади.