«Атлетико» Симеоне билан шартномани узайтирмоқчи

Мадриднинг «Атлетико» клуби раҳбарияти жамоа бош мураббийи Диего Симеоне билан меҳнат шартномасини узайтирмоқчи. Бу ҳақда Topskills Sports UK хабар бермоқда.

Манбага кўра, «Атлетико»да Симеоненинг ишлари ва эришган натижаларидан мамнун, шу боис уни яқин келажак учун жамоада сақлаб қолишни истамоқда. Симеоне клуб қийматини оширишда муҳим рол ўйнади: у «Атлетико»ни нафақат майдонда жиддий кучга, балки тўлақонли брендга ҳам айлантирди.

Симеоне «Атлетико»ни 2011 йил декабридан бери бошқариб келмоқда.