Аргентина Россия билан ўртоқлик ўйини ҳақида изоҳ берди

Аргентина футбол ассоциацияси вакиллари Россия терма жамоаси билан ўртоқлик учрашувини ташкил этиш эҳтимоли юзасидан изоҳ берди. "Келаси йилда тақвимимиз жуда тиғиз бўлгани учун ҳозирча бундай ўйин режамиз йўқ, бироқ назарий жиҳатдан келажакда у бўлиши мумкин", — дея манба сўзларини "ВсеПроСпорт" келтирди.

Ассоциацияда 2026 йилги жаҳон чемпионати олдидан жамоа юкламаси жуда юқори эканини таъкидлашди. Эслатиб ўтамиз, Россия терма жамоаси ФИФА ва УЕФАнинг қўшма қарори билан халқаро мусобақаларда иштирок этишдан четлатилган.