Чуквуезе Миланни соғинаётганини ва оиласи у ерда эканини айтди

Англиянинг "Фулхэм" клубига ижара асосида юборилган нигериялик ҳужумчи Самуэль Чуквуезе бу шаҳарни, энг аввало, у ерда қолган яқинларини соғинаётганини яширмади. "Албатта, Милан менга етишмаяпти, у аллақачон менинг иккинчи уйим.

Оилам у ерда қолган, шунинг учун ўзингиз тушуниб турибсиз. Спорт масаласига келсак, йўлларимиз вақтинча ажралди ва ҳар ким ҳозирги ишини имкони қадар энг яхши тарзда бажариши керак.

Бироқ, шу билан бирга, мен ҳануз "Милан" футболчисиман ва клубга чин дилдан энг яхши тилакларни билдираман"...