“Барселона” бош мураббийи: Левандовски ажойиб учрашув ўтказди

“Барселона” бош мураббийи Ханс-Дитер Флик Испания чемпионати доирасида “Сельта”га қарши ўйинда (4:2) ҳужумчи Роберт Левандовскининг ўйинини юқори баҳолади. 37 ёшли футболчи ушбу учрашувнинг қаҳрамонига айланди – у хет-трик қайд этди.

“Бугун Роберт айниқса яхши ўйнади, ҳақиқий ажойиб ўйин намойиш этди. У майдонга яхши кайфиятда чиқди ва ўйин тақдирини ҳал этди”, – деди Флик ўйиндан сўнг ўтказилган матбуот анжуманида.

Левандовски Ла Лига тўпурарлари рўйхатида етти гол билан иккинчи ўринда бормоқда.