U-16 терма жамоамиз Японияга қарши синовда: Хитойдаги турнирда муҳим учрашув

Ўзбекистоннинг Сергей Чигодаев бошчилигидаги U-16 ўсмирлар терма жамоаси Хитойда ўтаётган нуфузли халқаро мусобақада иштирокини давом эттирмоқда. Бугунги беллашувда ёш футболчиларимиз Япония терма жамоасига қарши майдонга тушади ва бу ўйин Тошкент вақти билан соат 12:00 да старт олади.

Турнир доирасида жамоамиз аввалги икки ўйинда қийин синовларни бошдан кечирди. Илк турда ўсмирларимиз Корея Республикасига 0:1 ҳисобида мағлуб бўлишди, иккинчи турда эса Хитойга қарши кечган драматик баҳсда 1:2 ҳисобида имкониятни бой беришди.