Аббос Файзуллаев Россиядаги энг қиммат марказий осиёлик футболчига айланди

Футболчиларнинг бозор қийматини баҳолаш бўйича энг нуфузли манбалардан бири — Transfermarkt портали Россия чемпионатларида тўп сураётган футболчиларнинг трансфер баҳосини янгилади. Янгиланган рўйхатда Россия Премьер-лигаси ва Биринчи лигада ҳаракат қилаётган футболчиларнинг қиймати қайтадан баҳоланди.

Айниқса, марказий осиёлик футболчилар орасидаги рейтинг катта қизиқиш уйғотди. Унга кўра, Москванинг ЦСКА клуби сафида ўйнаётган ўзбекистонлик ярим ҳимоячи Аббос Файзуллаев 8 миллион евролик қиймат билан рейтингни бошқариб турибди.