Роналду "Ал Насср"ни тарк этиши мумкин, у "Спортинг"га қайтмоқчи!

Футбол тарихидаги энг машҳур тўпурарлардан бири, Криштиану Роналду яқин орада клубини ўзгартиради, дея хабар бермоқда Испан ОАВлари. Португалиялик юлдуз футболчи "Ал Насср" клуби билан шартномани узайтиришга қарор қилмаган ва янги жамоа излашни бошлаган.

Роналдунинг янги клуби сифатида Лиссабоннинг "Спортинг" клуби кўрилмоқда. Ушбу клуб Криштианунинг футболдаги илк қадамларини қўйган жой бўлиб, у 2003 йилда "Манчестер Юнайтед"га ўтишдан аввал "Спортинг" академиясининг тарбияланувчиси бўлган.