Френки де Йонг янги шартнома бўйича келиша олмаяпти: араб клуби у учун навбатда турибди

"Барселона" клуби ўзининг етакчи ярим ҳимоячиларидан бири ҳисобланган Френки де Йонг билан шартномани узайтириш бўйича музокараларни давом эттирмоқда. Лекин ҳозирча томонлар ўзаро келишувга эриша олгани йўқ. Ҳар икки томон ҳам келгуси ҳамкорликдан манфаатдор бўлса-да, келишувнинг асосий шартлари устида фикрлар бирлашмаяпти.

Жаҳон футболи бўйича ишончли маълумотларни тарқатувчи журналист Маттео Мореттонинг хабар беришича, Саудия Арабистонининг энг йирик клубларидан бири бўлган “Ал-Иттиҳод” ушбу вазиятни диққат билан кузатиб келмоқда.