«The Nuke» vidare i VM

Dart-sensasjonen Luke «The Nuke» Littler er vidare til fjerde runde i VM. Det er klart etter at 17-åringen slo veteranen Ian White 4–1 i sett laurdag kveld. Littler er den yngste spelaren i vinterens VM i London, medan White er den nest eldste. «The Nuke», då berre 16 år, tok seg på sensasjonelt vis til VM-finalen på nyåret 2024. Den tapte han mot Luke Humphries, også han frå England. I fjerde runde blir det også engelsk motstand for Littler, då han skal opp mot Ryan Joyce. VM-finalen går 3. januar.