Заев- ДУИ ја заокружува етничката агенда, сега зборуваме за граѓанинот

Премиерот Зоран Заев денеска изрази задоволство поради тоа што најголемата албанска политичка партија ја заокржила етничката агенда и се насочила кон граѓанинот. Тој денеска по увидот на реконструкцијата на патниот правец Кавадарци-Дреново, одговарајќи на новинарско прашање даде коментар во однос на Зелената агенда на Демократската унија за интеграција, која вчера лидерот на ДУИ Али Ахмети на 19. роденден на партијата ја промовираше како еден од приоритетните столбови на претстојните локални избори.