БҰҰ бас хатшысы Таулы Қарабахта қақтығысты тоқтатуға шақырды

БҰҰ бас хатшысы Антониу Гутерриш Таулы Қарабахтағы қақтығысқа қатысы бар тараптарды "әскери әрекетті жедел тоқтатып" келіссөз өткізуге шақырды. БҰҰ бас хатшысының өкілі таратқан хабарламада Гутерриштің Армения және Әзербайжан басшыларымен телефон арқылы әңгімелесетіні жазылған.  Арменияның ресми түрде қақтығысқа қатысы жоқ, алайда Ереван өзін республика деп жариялаған, Әзербайжаннан тәуелсізбін деп есептейтін Таулы Қарабахты ашық қолдайды. Әзербайжан әскерінің шабуылы жексенбі күні таңертең басталды.