Украиналык активист орус түрмөсүнөн бошотулду

Төрт жылдан ашык орус абагында отурган украиналык активист Александр Костенко бүгүн, 3-августта эркиндикке чыкты. Ал "2014-жылы Киевдеги демонстрациялар маалында коопсуздук күчтөрүнө кол салган" деген айып менен 2015-жылы Орусия аннексиялаган Крымда соттолгон болчу. Анын Кирово-Чепецк шаарындагы колониядан чыккандан кийинки сүрөттөрүн "РосУзник" укук коргоо тобунун координатору Яна Гончарова "Фейсбукка" жарыялады. Костенко жана анын тарапкерлери Орусиянын украиналык активистти соттогонго укугу болбогонун айтып келишет.