Блогер-күзәтүче Әлмәттә сайлау участокларының берсендә тавыш бирү турында сөйләде

(Казан, 19 сентябрь, «Татар-информ», Эльза Кузнецова). Инстаграмда ksu_morkov буларак танылган блогер-күзәтүче Ксения Иванова Әлмәттә Дәүләт Думасына сайлауда тавыш бирү процессын күрсәтте. Ксения 769нчы сайлау участогында блогер-күзәтүче булып эшли, кагыйдәләр үтәлешен күзәтә, үз сәхифәсендә кызыклы контентлар белән бүлешә. «Минем участокта өлкән яшьтәге сайлаучылар тавыш бирә, район шундый. Сайлауга килгән әби-бабайларны күзәтүе кызык», — дип Ксения сайлау участогындагы мәгълүмат белән уртаклаша.