Jalalabatda dörän basa-baslykda azyndan 15 adam öldi

Owganystanyň gündogaryndaky Nangarhar welaýatynda futbol stadionynyň içinde dörän basa-baslykda azyndan 15 adam öldi, onlarçasy hem ýaralandy. 20-nji oktýabrda müňlerçe adam Pakistanyň konsulhanasyndan wiza almak üçin bu ýere toplanypdy. Hadysanyň ýüze çykan Jalalabat şäheriniň resmileriniň maglumatyna görä, heläk bolan 15 adamyň arasynda, 11 aýal maşgala hem bar. Basa-baslykda ençeme ýaşuly adam hem ýaralanypdyr. Ýerli resmiler Pakistanyň wizasyna ýüz tutup bilmek üçin zerur bolan resminamalary...