Çeh sport janköýerleri koronawirusa garşy girizilen täze çäreler sebäpli Praga polisiýasy bilen çaknyşdy
Çeh sport janköýerleri koronawirusa garşy täze çäreleri protest etmek üçin geçirilen ýörişiň yz ýany Pragada polisiýa bilen çaknyşdy.
19-njy oktýabrdan başlap ähli sport çäreleriniň iki hepdelik gadagan edilmegine garşy ýöriş geçirmek üçin 2 müňden gowrak hokkeý we futbol muşdagy ýygnandy. Bu gadagançylyk halkara ýaryşlaryny öz içine almaýar.
Demonstrantlar polisiýa işgärlerine çüýşeleri we beýleki zatlary zyňdylar. Soňra polisiýa demonstrantlary tüsse bombalary, feýrwerk we suw topy bilen merkezi meýdançadan dargatdy.
Заголовки