Сокинони Қазоқистон бо талаби ислоҳот ба хиёбонҳо баромаданд

Дар як қатор шаҳрҳои Қазоқистон – Нурсултон, Алмато, Оқтеппа, Чимкент ва Уралск бо талаби ислоҳот ва ба ҷонибдорӣ аз маҳбусони сиёсӣ тазоҳурот баргузор шуд. Дар Алмато эътирозгарон дар ду макон ҷамъ шуданд. Гуруҳи ташаббускори таъсиси "Ҳизби демократ" ҷонибдорони худро дар назди қасри Балуан Шолак ҷамъ кард. Минтақае, ки онҷо ҳамоиши эътирозӣ баргузор шуд, бо автобусҳо муҳосира шуда буд ва рӯзноманигоронро ба онҷо роҳ намедоданд. Маъмурони пулис дар гирди эътирозгарон ҳалқа зада буданд. Боғи марказӣ ва фарҳангии шаҳр...