Аъзои оилаи журналисти кушташудаи афғон ҳам ба қатл расиданд
Дар вилояти Ғури Афғонистон рӯзи 25 феврал се узви оилаи як журналисти кушташудаи маҳаллиро ба қатл расониданд. Дар ҳамла ба манзили журналист Бисмиллоҳ Одил Аймақ панҷ нафари дигар маҷрӯҳ шуданд. Ба иттилои як мақоми маҳаллӣ, ҳамаи маҷруҳон кӯдакон мебошанд.
Нураҳмад Кӯҳнавард, волии Ғур гуфт, ки ин ҳамла кори дасти Толибон буд, вале ҷузъиёти бештаре надод. Забеҳулло Муҷоҳид, сухангӯи Толибон даст доштани ин гуруҳро дар ин ҳамлае, ки касе то ҳол масъулияташро ба дӯш нагирифтааст, рад кард. Худи Аймақ дар рӯзи таҷлили соли нав кушта шуд.
Заголовки