Вазири корҳои хориҷии Тоҷикистон ҳамла ба "Ишқобод"-ро шарҳ дод. ВИДЕО

Сироҷиддин Муҳриддин, вазири корҳои хориҷии Тоҷикистон, гуфт, ки дар ҳамлаи моҳи ноябр ба посгоҳи "Ишқобод" занону кӯдакон кушта шуданд. Ин ҷавоби дипломати баландпояи тоҷик ба суоли хабарнигори Радиои Озодӣ рӯзи 10-уми декабр баъд аз ҷаласаи ҳаштуми Шӯрои ҳамкориҳои Тоҷикистон ва Иттиҳоди Аврупо дар Брюссел садо дод. "Гурӯҳи мусаллаҳи бистнафарӣ ба дидбонгоҳи марзии "Ишқобод"-и қисми ҳарбии "Султонобод" ҳамла кард. Онҳо панҷ автомати Калашниковро ғасб намуданд. Дар натиҷаи амалиёти нирӯҳои вижа, ин гурӯҳ безарар гардонида шуд.