Gjendje e jashtëzakonshme në disa pjesë të Kilit, shkak protestat

Qeveria e Kilit do të shtrijë gjendjen e jashtëzakonshme në qytetet në veri dhe jug, tha presidenti i këtij vendi, Sebastian Pinera, pasi së paku shtatë njerëz u vranë në protestat e dhunshme dhe në sulmet me zjarrvënie gjatë fundjavës. "Jemi në luftë kundër një armiku të fuqishëm, i cili është i gatshëm të përdorë dhunën pa asnjë kufi", tha Pinera në një deklaratë televizive nga selia e ushtrisë në Santiago. Ai konfirmoi se gjendja e jashtëzakonshme e shpallur në Santiago të shtunën mbrëma, do të shtrihet edhe në qytete të tjera.