OEAK shpreh shqetësim për menaxhimin parasë publike në Kosovë

Oda Ekonomike Amerikane në Kosovë (OEAK) shprehu shqetësim për menaxhimin e parasë publike në Kosovë, veçanërisht për disa vendime që, sipas saj, mund të çojnë në rritjen e ngarkesës fiskale për bizneset. Gjatë një takimi që drejtuesit e kompanive anëtare të Odës Ekonomike Amerikane në Kosovë zhvilluan me ministrin e Financave, Bedri Hamza, u tha se funksionalizimi i ekonomisë së tregut, si dhe reformat në politikat fiskale të vendit janë të domosdoshme për lehtësimin e mëtejmë të të bërit biznes.