پر کاج ښوونيز مرکز د بريد په غبرګون کې نجونو محصلانو مزار شريف کې لاريون وکړ
د کابل په لویدیځ کې د وروستۍ خونړۍ حملې په وړاندې د اعتراضونو په دوام نن په مزارشریف کې په لسګونو محصلو نجونو مظاهره وکړه.
په هغو ویډیو ګانو چې په ټولنیزو رسنیو کې خپرې شوې، ښکاري چې معترضانې د عدالت غوښتنې شعارونه ورکوي.
د افغانستان لپاره د ملګروملتونو مرستندویه ماموریت یا یوناما نن د دغه برید د قربانیانو شمېر۴۳ او د ټپیانو ۸۳ تنه وښود.
مخکې یوناما د مړو شمېر لږ تر لږه ۳۵ تنه ښودلی و.
پر کاج ښوونیز مرکز د دغه برید چې مسؤلیت یې تر اوسه چا یا کومې ډلې نهدی اخیستی، د قربانیانو ډېری یې نجونې او ښځې دي.
Заголовки