د اړیکو او ستنولو کمېسیون جوړېدل؛ ځینې افغانان د طالبانو پر ژمنو شک ښيي

په بهر کې ځینې مېشت افغانان د طالبانو پر هغو ژمنو شک لري، چې وايي افغان شخصیتونه به افغانستان ته تر ستنېدو وروسته خوندي وي. که څه هم د طالبانو اداره ډاډ ورکوي، چې له افغان شخصیتونو سره د تماس او هېواد ته یې د ستنولو کمیسیون به هغو افغانانو ته چې بېرته هېواد ته ستنېږي هر ډول خوندیتوب برابر کړي، خو ځینې افغانان د طالبانو پر دې ډاډ شک څرګندوي. عزیز احمدزی وايي: "هغه پوه کسان چې په افغانستان کې دننه دي، یا له بهره ورغلي او لوړې زده کړې یې کړي، که هغوی ته وظیفه ورکړل شي، دا به یو اعتمادسازي شي. په...