ایران سره د وسلو کاروبار په اړه بنسټونو او اشخاصو ته د امریکا خبرداری
امریکا متحده ایالتونو ګواښ کړی په هر هغه کس یا بنسټ به بندیز ولګوي چې له ایران سره د وسلو کاروبار کوي.
امریکا دا ګواښ څو ساعته وروسته له هغه وکړ چې تهران ادعا وکړه د ملګرو ملتونو له خوا ورباندې لګېدلی د وسلو بندیز پای ته ورسېد.
له ایران سره د نړۍ د اټومي قدرتونو د ۲۰۱۵ کال د تړون په اساس د ۲۰۲۰ کال د اکتوبر اتلسمه په ایران د وسلو د بندیزونو د پای ته رسولو نېټه ټاکل شوې وه په دې شرط چې ایران په خپلو ژمنو ولاړ وي.
امریکا په ۲۰۱۸ کال کې له ایران سره له اټومي تړون ووتله او سخت بندیزونه یې پرې ولګول.
Заголовки