اروپايي اتحاديې ته د ۱۵ هېوادونو وګړو ته د سفر اجازه ورکړل شوه

له نن (د جولاۍ لومړۍ) څخه د نړۍ د ۱۵ هېوادونو وګړي اروپايي اتحادیې ته د سفر اجازه لري. اروپايي اتحادیې پرون وویل چې کاناډا، مراکش، نوی زیلاند، رواندا، صربیا، جنوبي کوریا، ګرجستان، استرالیا، الجیریا، تایلند، تونس او اروګوای په خوندي یا مصون زون کې شامل هېوادونه دي او وګړو ته‌یې د ورتګ اجازه ورکوي.   خو د امریکا متحده ایالات‌یې له دې اعلانه مستثنی کړی دی ځکه هلته د کرونا ویروس د مثبتو پېښو شمېر د زیاتېدو په حال کې دی. د اتحادیې ۲۷ استازو پرون وویل چې په امریکا، روسیه، برازیل، هند او ترکیه کې...