خوست کې د ښې حکومتولۍ د مرکز پرانېسته
د خوست چارواکي وايي، تر دې وروسته خلک اړ نه دي، چې د خپلو کارونو د خلاصولو لپاره په ساعتونو او ورځو ورځو په تمه پاتې شي.
دوی زیاتوي، اوس ټول مراجعین یو ځانګړي ادرس ته خپلې عریضې ورکوي او په څو دقیقو کې تر یو چتر لاندې د دې عریضو اداري پروسیجر بشپړیږي او بېرته ورسپارل کېږي.
په خوست کې د ښې حکومتولۍ د خدمتونو مرکز د ولایت مقام په یو لوی سالون کې جوړ شوی او د ولایت مقام ټول مامورین او مسوولین په کې د یو چتر لاندې کار کوي.
د دې سالون د سټیج لپاره جوړ شوي ځای کې د خوست والي او د هغه د مرستیال مېزونه ايښي دي.
Заголовки