Србија ќе ни дава гас, а ние на нив струја

Македонија може да набави гас од Србија по цени три до четири пати пониски од берзанските доколку се потпише договор со соседната земја, рече вечерва министерот за економија Крешник Бектеши. Тој вели дека земјава преговара со „Србија гас“, а не со „Газпром“. Министерот во „Топ тема“ на Телма рече дека Договорот за снабдување со природен гас го има српската страна и како тоа технички ќе се спроведе е нивна работа. Работа на нашата држава е да овозможи законски и технички услови, соодветни прописи и регулативи, додава Бектеши.