САД и Јужна Кореја со договор за засилени мерки за Северна Кореја

САД и Јужна Кореја се договорија денеска да ги засилат мерките за одвраќање на Северна Кореја и да ја прошират соработката за низа мерки од сајбер безбедноста и нуклеарната енергија до регионалната безбедност и синџирите на снабдување. Во заедничката изјава објавена по првиот самит меѓу американскиот претседател Џо Бајден и новиот јужнокорејски претседател Јун Сук-Јол, двете земји ветија дека ќе го прошират својот сојуз за да се справат со прашања надвор од Северна Кореја, додека остануваат отворени за разговори со Пјонгјанг.