Експлозија пред зградата на РТС во Белград

На паркингот пред зградата на РТС во Белград утрово одекна експлозија, во која едно лице загина, а две се потешко повредени, јави дописникот на МИА од Белград. Загинал 65 годишен работник, а двајца други работници на возраст од 64 и 50 години се однесени во болница. Работниците вршеле поправка на системот за климатизација на РТС. Од детонацијата неколку автомобили на државната телевизија се уништени, а искршени се и прозорците на зградата на РТС.