Рекорден број заразени во БиХ, Србија, Словенија, Хрватска и Бугарија

Бројот на заразени со коронавирусот во неколку балкански држави во последните 24 часа е рекорден. Во Босна и Херцеговина се регистрирани 1586 нови случаи, а починале 36 лица, во Србија се регистрирани повеќе од 1200 новозаразени, од кои половина во Белград. И Словенија, Хрватска и Бугарија денеска забележаа рекорди со над 2000 заболени. Во Словенија во последните 24 часа се регистрирани 2605 нови инфицирани од вкупно 7471 тестирање, а во Бугарија има 2569 нови случаи од 11 226 теста и 25 смртни случаи.