Артем Новиков өткөрмө жайларында товарларды эсептөө системасы жаңыланбаганын сынга алды

Премьер-министрдин милдетин аткаруучу, биринчи вице-премьер-министр Артем Новиков кыргыз-казак чек арасындагы «Чалдыбар» көзөмөл-өткөрмө жайынын иши менен таанышты. Бул тууралуу өкмөттүн аппараты кабарлады. Анда айтылгандай, Новиков товарлардын толук эсебин камсыз кылуу үчүн «Жыйынтыктоочу пост» бирдиктүү маалымат тутумун түзүү керектигине токтолду. Ал муну менен аткезчиликтин алдын алуу жана ага каршы күрөш күчөйт турганын белгиледи. Бекетти кароо учурунда өкмөт башчы айрым кызматтардын ишине нааразы экенин билдирди.